Нээлтээ хийсэн даруйдаа дэлхий дахиныг байлдан дагуулсан Frozen хүүхэлдэйн киноны дууг хүүхэд бүхэн дуулах дуртай гэхэд хилсдэхгүй. Тэгвэл “Let it go” дууг нохой хүртэл сонсч байгаа өхөөрдөм бичлэг интернэтээр цацагджээ. Тус бичлэгийг хоёр сая гаруй хүн үзсэн бөгөөд маш олон хүний хайрыг татаж байна. Окли нэртэй Австралийн анч нохой унтаж байснаа “Let it go” дууг сонсонгуутаа л сэртхийж дууг даган ульж байгаа нь бичлэг дээр гарах бөгөөд дуу явахаа больмогц буцаад унтахаар оролдох нохой олныг гайхшруулж байгаа аж. Frozen хүүхэлдэйн киноны “Let it go” дуу Оскарын шилдэг соундтрак-ийн шагнал хүртсэн юм.