Ирэх зургадугаар сарын 18-25 өдрүүдэд П. Н. Шастиний нэрэмжит Улсын Гуравдугаар Төв Эмнэлэг дээр тус эмнэлэгийн зүрхний мэс заслын тасгийн эмч нар болон БНСУ-ын эмч нарын баг, зүрхний төрөлхийн гажигтай хүүхдүүдийг үзэх юм. Үзлэгт хамрагдсан хүүхдүүдээс онц хүнд хэлбэрийн эмгэгтэй, яаралтай мэс засал хийх шаардлагатай хүүхдүүдэд тухайн өдрүүдэд Монгол Солонгос эмч нар хамтран мэс засал хийхээр болсон аж. Энэхүү үзлэгт хамрагдахыг хүссэн хүүхдүүдийг бүртгэж эхэлжээ. Бүртгүүлэхдээ хүүхдийнхээ төрсний гэрчилгээний хуулбар, өвчний түүх, оршин суугаа хорооны тодорхойлолт зэргийг бүрдүүлэх юм.