Олон улсын эмэгтэйчүүдийн эрхийг хамгаалах өдөр буюу гуравдугаар сарын 8-нд Монгол Улсад 161 эх амаржсанаас 68 нь орон нутагт төрсөн бол Улаанбаатар хотод 93 хүүхэд мэндэлсэн байна. Өчигдөр Эрүүл мэндийн сайд А.Цогцэцэг, дэд сайд Л.Бямбасүрэн нараар ахлуулсан холбогдох албаны хүмүүс ЭХЭМҮТ, “Өргөө”, “Хүрээ”, “Амгалан” амаржих газрууд болон “Гурван гал” эмнэлэгт ажиллажээ. Салбарын сайд нийт эхчүүдэд баяр хүргээд, эх орондоо хэрэгтэй, эрдэм номтой, эрүүл саруул олон иргэн өсгөн хүмүүжүүлэхийг ерөөсөн байна.