Хоолой идээлж үрэвсэх шалтгаан олон. Вирус, бактерийн халдвар эсвэл эрүүл мэндийн өөр шалтгаан. Хоолойн үрэвсэл ноцтой өвчин биш ч эмчлэхгүй орхивол аюултай. Эмчлэх олон арга бий боловч эмчилгээ болгонд гаж нөлөө илэрдэг, байдлыг бүр дордуулж ч болзошгүй. Иймээс үрэвсэл дарж, биеийг хорт бодисоос цэвэрлэдэг “гэрийн арга” туршаад үзэхэд гэмгүй.

Орц

- Томхон хүрэн манжин нэг ширхэг

- 9 хувийн спиртийн агууламжтай цагаан цуу /винегар/

Бэлтгэх арга

- Хүрэн манжингаа угааж, хальсалж, нухна.

- 250 грамм хүрэн манжинд нэг халбага цагаан цуу нэмж, сайтар хутгана.

- 20 минут амраасны дараа, хүрэн манжингаа шахаж, шүүж авна.

- Гарсан шингэнээр өдөрт хоёр удаа хоолойгоо зайлж, бага зэргийг залгина.

Хоолойн үрэвсэл дарах жорууд

- Бүтэн нимбэг, чимх соданаас гарсан уусмалаар өглөө, оройд хоолойгоо зайлна.

- Нимбэгийн бүлээн аяга шүүсэн дээр зөгийн бал нэмж уух.

- Бүтэн нимбэгээс шахсан шүүсийг, чимх давс, зөгийн балтай хольж хөвөнд шингээгээд хоолойн махаа арчих. Энэ арга богино хугацаанд үр дүнгээ өгнө.

- Алимны цуу хоолойн үрэвсэл дарах маш үр дүнтэй, хямд, байгалийн шалгарсан арга. Аяганы тал усан дээр цуунаас нэмж, өдөрт гурван удаа хоолойгоо эдгэх хүртэл зайлна.

- Сармис бол хүчтэй антибиотик, мөөгөнцөр, бактерийг маш үр дүнтэй арилгана. Нэг хумс сармисыг аяга усанд хийж, өдөрт гурван удаа ууна.