Зүрхний өвчин, хорт хавдар, чихрийн шижин, уушгины өвчин. Энэ дөрвөн өвчлөл 70 наснаас өмнөх цаг бус үхлийн голлох шалтгаан. Дэлхийн олон улс оронд тамхинд өндөр татвар оногдуулдагийн учир нь халдварт бус өвчлөл, нас баралтын гол шалтгаан болсон уушгины өвчлөлийг бууруулах гол зорилготой гэж ойлгож болох юм.   Тогтвортой хөгжлийн бодлогын хэрэгжилтийг хангахын тулд дэлхийн улс орнуудын 60 хувь нь халдварт бус өвчний нас баралтыг устгах талаар цаг хугацаатай зорилт тавьсан бол, 92 хувь нь халдварт бус өвчлөлийн талаар улс орныхоо эрүүл мэндийн хөтөлбөрт тусгажээ. Түүнчлэн дэлхийн улс орнуудын 80 хувь согтууруулах ундаанд, 18 хувь чихэрлэг ундаанд, 8 хувь тос, чихэр, давстай бүтээгдэхүүнд татвар ногдуулсан байдаг. 2012 оны дүн мэдээллээр эдгээр 4 төрлийн өвчлөлийн улмаас амь насаа алдсан 16 сая хүний 80 хувь нь 70 наснаас өмнө нас барсан байна. Өөрөөр хэлбэл хөгжиж байгаа улс орнуудын  11 сая иргэн тэтгэврийн тэтгэмжийнхээ үр шимийг хүртэхээс өмнө нас баржээ.