АНУ-ын Ерөнхийлөгч нар хамгийн түрүүнд сонгуулийн амлалтаа биелүүлэх, эсвэл өмнөх засаг захиргааны бодлогыг хүчингүй болгох тухай зарлиг гаргадаг уламжлалтай. 2009 онд Барак Обама ажлын гурав дахь өдрөө Гвантанамо дахь тэнгисийн цэргийн баазад байрлах терроризмын хэргийн сэжигтнүүдийг саатуулах байрыг хаах тухай зарлиг гаргаж байсан түүхтэй.  Харин Трамп ерөнхийлөгчийн хувьд хоёуланг нь зэрэг хийсэн гэж болно. Ажлын эхний өдрөө Трамп "Обамагийн халамж" нэртэй эрүүл мэндийн халамжийн хуулийг хүчингүй болгох зарлиг гаргасан. Тэрээр АЖЛЫН ЭХНИЙ 21 ХОНОГТОО ЗАРЛИГ 12, САНАМЖ БИЧИГ 12, ТУНХАГЛАЛ 2 НИЙТ 26 БАРИМТ БИЧИГ гаргажээ.

            Д.ТРАМПЫН 12 ЗАРЛИГТ

• Уолл Стритийн зохицуулалт
• Засгийн газартай холбогдох дүрэм журмын тоог бууруулах
• Удирдах албан тушаалтнуудад ёс зүйн хэм хэмжээ тогтоох
• Хил нэвтрэхийг хориглох тухай
• Хилийн аюулгүй байдлыг чангатгах тухай
• Хууль бус цагаачдыг байршуулдаг хотуудын төсвийг танах
• Байгаль орчны дүн шинжилгээг түргэсгэх
• “Обамагийн халамж”-ийг хүчингүй болгох
• Гэмт хэрэг бууруулж, олон нийтийн аюулгүй байдлыг хангах
• Хууль хэрэгжүүлэгч ажилтнуудын эсрэг хүчирхийллээс сэргийлэх
• Хүн, мансууруулах бодис, ан амьтан, зэр зэвсгийн олон улсын худалдааг зогсоох хууль батлах

АНУ-ын түүхэнд Ерөнхийлөгчийн зарлиг 15 мянга гаруй байдаг байна. Эдгээрээс Ерөнхийлөгч асан Франклин Рүзвэлт 3721 зарлиг гаргаж байсан бол Билл Клинтон 364, Жорж Буш 291 зарлиг гаргажээ.