Спортын мастер Ш. Даваадорж өвлийн усанд сэлэлтийн дэлхийн цомын тэмцээнээс дөрвөн медаль хүртлээ

Энэ сарын 14-17-ны өдрүүдэд БНХАУ-ын Шаньдун мужид зохиогдсон Өвлийн усан сэлэлтийн Дэлхийн цомын тэмцээнд спортын мастер Ш.Даваадорж нийт 5 төрөлд оролцож 2 алт, 2 мөнгөн медаль хүртжээ.

Тус тэмцээнд нийт 16 орны 1000 гаруй тамирчид оролцсон бол манай улсаас анх удаа ганц тамирчинтай оролцож, өндөр амжилт гаргасныг тус тэмцээнийг зохион байгуулагчид болон бусад орны тамирчид онцолж байв.

Ш.Даваадорж 2016 оны 11-р сард ОХУ-ын Владивосток хотноо болсон Өвлийн усан сэлэлтийн Дэлхийн Цомын аврага шалгаруулах тэмцээнээс алтан медаль хүртэж байсан бол Украйн улсад зохиогдсон Өвлийн усан сэлэлтийн ОУ-ын нээлттэй тэмцээнээс 7 алтан медаль хүртэж Монголын усан сэлэлтийн спортод түүхэн амжилт гаргажээ.   

Ш.Даваадоржийн дэлгэрэнгүй ярилцлагыг энд дарж унших боломжтой.