Урлаг судлалын тэнхимийн багш Э.Эрдэнэцэцэгийн докторын ажлаас сэдэвлэж, Увс аймгийн Малчин сумын  Улаанбаатар хот дахь нутгийн зөвлөлийн дарга, доктор Бат-Эрдэнэ, урлаг судлаач А.Алтангэрэл нарын санаачлагаар урлагийн гавьяат зүтгэлтэн Ж.Норолхоо Баяд ястнуудын гэрлэж, хуримлах ёс, зан үйлийн тухай баримтат кино бүтээжээ.

Энэ киноны зураглаачаар ажилласан П.Тэмүүжин өөрийн авсан гэрэл зургуудаараа "Grand art exclusive gallery"-д уг ястны уламжлал, өвөрмөц зан заншлыг харуулсан “Арван баядын нутгаар” үзэсгэлэн гаргажээ.

Энэхүү нь угсаатны зүйн чиглэлээр Монголд гарч байгаа анхны үзэсгэлэн гэдгээрээ онцлогтой юм. Өдгөө үндэсний ёс заншил, өв соёлоо сэргээсэн бүтээл хийх үгүйлэгдэж байгааг тэд гярхай олж харсан байна. Баримтат кино ирэх жилийн эхний сард олны хүртээл болно.  

                                                                                                   Г.Золзаяа