Европ тивд гепатит Б вирусын халдвартай 13 сая, Ц вирусын халдвартай 15 сая хүн байдаг. Халдвартай амьдарч байгаа хүмүүсийн 95 хувь нь ийм халдвартай гэдгээ мэддэггүй байна. Түүнчлэн тэдний 20 хувьд элэгний хатуурал, хорт хавдар өвчин үүсдэг байна. Улмаар вируст гепатитаас үүдэлтэй элэгний өвчнөөр жилд зөвхөн Европ тивд 145 мянган хүн, өдөрт 400 хүн амьсгал хурааж байна.  Дэлхийн эрүүл мэндийн байгууллага жил бүрийн 7-р сарын 28-нд Гепатит вирусын олон улсын өдрийг зохион байгуулдаг. Энэ оны хувьд бодлого боловсруулагчид, эрүүл мэндийн салбарынхан, ард иргэдэд “Гепатит вирусын талаар мэдлэг мэдээлэлтэй болж, яг одоо хариу арга хэмжээ авахыг уриалж байна.” Европчуупын  хувьд дараах аргуудыг ашиглаж халдварыг зогсоохыг зорьж байна. Үүнд: 

1. Ариун бус цусан бүтээгдэхүүн хэрэглэхгүй байх
2. Хүүхдүүдийг гепатит Б вирусын эсрэг вакцинд хамруулах
3. Эрсдэлтэй бүлгийн иргэдийг шинжилгээнд хамруулах
4. Б, Ц вирусын эмчилгээ, түүнд шаардлагатай эмээр хангах зэрэг аргаар 2030 он гэхэд Европын Холбоонд энэ вирусын тархалтыг бүрмөсөн зогсоох юм байна. Тэгвэл дэлхий нийтийг  вакцинжуулалтад хамруулснаар ойрын 20 жилд дэлхийн ихэнх улс оронд энэ өвчнөөс бүрэн ангижрах боломжтой гэнэ. Ингэхдээ дөнгөж төрсөн хүүхдүүдийг Б вирусын эсрэг вакцинд хамруулах нь эхээс хүүхсдэд Б вирус халдахаас сэргийлж, насан туршид нь халдвараас хамгаалах дархлаажуулалтын хамгийн үр дүнтэй хэлбэр байх гэнэ.