Ванкувер хот нь Канад улсад өвөл хамгийн дулаан байдаг хот.

Канадын ихэнх нутаг зундаа хэт халдаг ч Ванкувер хот хамгийн сэрүүн, хуурай уур амьсгалтай, намрын улиралд 11-3-р сар хүртэл байнгын хур тунадастай байдаг.

Тийм ч учраас Ванкувер хот нүд алдам олон сайхан цэцэрлэгт хүрээлэнтэй.

Тус хотод нийт 230 цэцэрлэгт хүрээлэн байдаг нь газар нутгийн 11 хувийг эзэлдэг байна.

Мөн далайн эрэг дагуу 10 гаруй наран шарлагын газартай, цэвэр уст нуур хүртэл бий.

Гэсэн хэдий ч Ванкувер хот ойн бүрхүүлийн хэмжээг хангалтгүй гэж үзэн хот доторх ой модны массыг нэмэгдүүлж, 2020 он гэхэд  хотдоо 150 мянган мод шинээр суулгах зорилт тавьжээ.

Ванкувер хотын ирээдүй хойч үеийн оршин суугчдадаа эрүүл Ой мод үлдээхийн тулд ой мод суулгах, арчлах, хамгаалах, цэвэрлэх, дахин ашиглах чиглэлийг гол болгож байна.

Ванкувер хот 2020 он гэхэд дэлхийн хамгийн ногоон хот болох зорилт тавьж энэ хүрээндээ 150 мянган ширхэг мод нэмж тарих, ургуулах болжээ.

Өнөөгийн байдлаар Ванкувер хотын гудамж талбайд 140 мянган мод, цэцэрлэгт хүрээлэнд 300 мянган мод бий.

Хот доторх ой мод нь агаарыг цэвэршүүлэх, далайн шуурганы усыг шингээж авах, нүүрсхүчлийн хийг тогтоон барих, амьд амьтдад орон гэр болох, хүний эрүүл, сайн сайхан амьдралын нэг хэсэг зэрэг нийгэм, байгалийн олон үүрэгтэй билээ.

Мод тарихаас гадна тарьсан модоо арчилж, хамгаалах нь чухал учраас Ванкувер хот мод хамгаалах дүрэм мөрдөж эхэлжээ.

Ингэснээр хувийн үл хөдлөх хөрөнгөтэй иргэд, өөрийн эзэмшлийн газарт ургасан эрүүл, насанд хүрсэн модыг огтлохыг хориглож, хамгаалж өгчээ.

Харин дараах тохиолдлуудад мод огтлохыг зөвшөөрнө. Үүнд: Ургаа мод ямар нэг байдлаар аюул учруулсан, үхсэн, өвчилсөн, барилгын газарт орсон, бохирын системийн замд ургасан зэргээс бусад шалтгаантай үед мэргэжлийн байгууллагын зөвшөөрөлгүйгээр мод огтлохыг хоригложээ.