Энд нийтдээ 8000 гаруй зааны, 343 хирсний ясыг хурааж авсныг овоолжээ.

Хар зах дээр зааны яс 105 сая ам.доллар, хирсний яс 67 сая ам.долларын үнэтэй. Нийт 172 сая ам.долларын үнэ бүхий эдгээр хууль бус бараа нь Кени улсын байгаль, хүрээлэн буй орчны салбартаа зарцуулдаг жилийн төсвөөс 2 дахин их юм.

Гэхдээ Кеничүүдийн хувьд энэ их хэмжээний яс, түүхий эд нь ямар ч үнэ цэнэгүй. Учир нь тус улсын бэлэгдэл болсон зааны тоо толгой улам бүр багасч байна.

Зөвхөн ясыг нь авах гэж 15 минут тутамд нэг заан, хоногт дөрвөн хирс хороодог гэсэн статистик дүн байна.

105 тонн зааны яс, 1.5 тонн орчим хирсний эвэр, ховор амьтдын арьс, түүхий эд зэргийг шатаахад бэлдэж 12 овоо босгоход албаны хүмүүс 10 хоног зарцуулжээ.

Хууль хяналтынхны хураасан амьтны түүхий эдийг устгах ажил 1989  оноос хойш дөрөв дэх удаагаа явагдаж байгаа нь энэ юм.