Дараагийн онцлох компани бол Нью-Йорк мужийн Бронкс дүүрэгт 1961 оноос хойш үйл ажиллагаа явуулж байгаа Хаагендаас мөхөөлдөсний брэнд юм. Дэлхийн олон оронд салбартай тус компани нийгмийн хариуцлагаа хэрэгжүүлэх хүрээндээ зөгий аврах ажиллагааг эхлүүлжээ. Зөгийн тоо толгой дэлхий дахинд  хурдтай буурч байгаа нь хүнс үйлдвэрлэгч компаниудад ихээхэн хохиролтой. Тийм ч учраас Хаагендаас компани зөгийн балны орцтой мөхөөлдөснөөс олсон орлогийнхоо гуравны нэгийг зөгий судалдаг байгууллага, хүрээлэнгүүдийг санхүүжүүлэхэд зориулах болжээ.