Өнгөрсөн сард Их Британи улсад хаврын их цэвэрлэгээ явагджээ.

Их цэвэрлэгээний хүрээнд английн хурдны замын ажилтнууд автозам дагуу хаясан хог хаягдлыг гурав хоног түүж цуглуулсан байна.

Замын хажуугаас олдсон төрөл бүрийн хогнуудыг эгнүүлж өрвөл Лондон хотод орших 95 давхар Шаард цамхаг шиг таван барилгатай тэнцэх хэмжээтэй юм.

Хурдны замын ажилтнуудын хаврын их цэвэрлэгээ хатан хаан Элизабетийн 90 насны төрсөн өдрөө тохиолдуулан санаачилсан цэвэрлэгээний ажилтай давхацжээ. 

Жил бүр хувийн компаниудтай гэрээ байгуулж английн хурдны замын хоёр талыг цэвэрлүүлдэг бөгөөд жилд дунджаар 150 мянган шуудай хог гардаг байна.

Өөрөөр хэлбэл англичууд өдөрт л 411 шуудай хог замын хажуу руу хаядаг байна.

Нэг шуудай хог цэвэрлэх ажилд 40 фаунд зарцуулдаг гэж үзвэл замын нэг хонхорхойг засч сэлбэх мөнгөөр зорчигчдын хаясан нэг шуудай хогийг цэвэрлэдэг болж таарч байна.

Өндөр хурдтай давхиж байгаа машин дотроос хог хаяхад ард яваа жолоочид ноцтой аюул учруулж болзошгүй бөгөөд ан амьтдын амь насанд халтайгаас гадна, ус зайлуулах хоолойг бөглөж, улмаар хурдны зам усанд автах нөхцөл үүсдэг байна. 

Үүний зэрэгцээ зорчигчдын шидсэн хогийг цуглуулахаар хурдны зам дээр ажиллаж байгаа хүмүүсийн амь насыг ч эрсдэлд оруулж байна.

Английн хурдны замын засвар үйлчилгээний газраас жолооч нарт хандан машиндаа хогийн ууттай байх, хог хаягдлаа цуглуулж, төвлөрсөн хогийн цэгт хаяхыг уриалжээ.