“Оклахома Сити Тандер” өнөө өглөө “Денвер Наггетс” багийн талбайд зочлон тоглосон юм. “Тандер” тоглолтын эхнээс л онооны тэргүүллийг авч улмаар 124:102 харьцаагаар “Наггеттс”-ыг буулган авлаа. Тоглолтонд “Оклахома Сити Тандер” багийн лидер Кэвин Дурант 26 оноо, найман оновчтой дамжуулалт өгч багаа тэргүүлсэн. Харин Рассел Уэстбрүүк ердөө 26 минутанд 13 оноо, 14 удаа самбараас бөмбөг аван, 12 оновчтой дамжуулалт өгч улирлын ээлжит нэгэн трибл-даблаа хийлээ. Энэ улиралд Рассел 17 трибл-дабл хийгээд байгаа нь 1988-1989 оны улирал Межик Жонсоноос хойшхи хамгийн олон трибл-дабл хийсэн тоглогч боллоо. Межик тухайн улиралдаа 18 удаа Трибл-Дабл гүйцэтгэж байжээ.