Швейцарь улсын хөдөө аж ахуй эрхлэгчдийн холбооноос 2012 онд тус улсын дундаж ферм 18 га талбайтай байгаа нь дэлхийн стандартаас бага гэсэн судалгааг танилцуулжээ. Гэтэл Шинэ Зеланд улсад дундаж фермийн аж ахуй 248 га газартай байх жишээтэй. Хэдий тус улсад хөдөө аж ахуй өндөр хөгжсөн, малын мах өндөр үнэтэй ч Швейцерийн фермерүүдийн дөрөвний нэг нь ядуурлын шугамаас дор амьдардаг гэнэ. Швейцарь улс хөдөө аж ахуйн салбараа дэмжихийн тулд улсаас их хэмжээний татаас олгодог. 2013 оны байдлаар хөдөө аж ахуйн нийт бүтээгдэхүүний 49.4 хувьтай тэнцэх татаас олгосон нь тухай жилдээ дэлхийд хоёрдугаарт эрэмбэлэгдсэн байна. Швейцарь улс импортын татвараа өндөр байлгаснаар ард иргэд нь зөвхөн дотооддоо үйлдвэрлэсэн хүнсний бүтээгдэхүүн хэрэглэдэг бөгөөд өнөөдрийн байдлаар тус улсын нэг хүнд жилд нэг кг мах ногдож байна. Нэг кг цул мах 105 ам.доллар байгаа нь бусад хөгжингүй улс орнуудынхаас 2-3 дахин өндөр үнэ юм.