Хөвсгөл аймагт ажиллаж байгаа Монгол Улсын Ерөнхийлөгч Ц.Элбэгдоржийг Мөрөн сумын Чингүнжавын талбайд Төрийн далбаа мандуулж, цэргийн хүндэт харуул жагсан Төрийн дуулал эгшиглүүлж угтан авчээ. Угтах ёслолын дараа аймгийн Драмын театрт Монголын хамгийн олон буюу 128 мянган хүн амтай Хөвсгөл аймгийн иргэдийн төлөөлөлтэй уулзалт хийж, Монгол Улсын Ерөнхийлөгч дэлгэрэнгүй үг хэлэн иргэдийн сонирхсон асуултад хариулт өгөв.