Монгол Улсад үндэсний сэтгүүлзүй үүсч хөгжсөний 103 жилийн ойг тохиолдуулан  Нийслэлийн Засаг даргын Тамгын газар, Монголын Сэтгүүлчдийн нэгдсэн эвлэлтэй хамтран “Ил тод Нээлттэй Улаанбаатар 1000” сэтгүүлчийн форумыг анх удаа  энэ сарын 6-ны өдөр Соёлын төв өргөөнд зохион байгуулна. Энэ үеэр НЗДТГ-аас сүүлийн дөрвөн жилд хийсэн ажлаа 1000 сэтгүүлчийн өмнө тайлагнах юм байна. Форумд оролцох сэтгүүлчид, хэвлэл мэдээллийн байгууллагууд Монголын сэтгүүлчдийн нэгдсэн эвлэлийн ажлын албанд хандан бүртгүүлэх боломжтой гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.