Тэргүүн байр эзэлсэн “Мегастарс” баг

Монголын волейболын холбоо, Хасу-Мегастарс клуб хамтран зохион байгуулсан "Хасу Кап-2016" клубүүдийн аварга шалгаруулах тэмцээн энэ сарын 19-28-нд  “Эко спорт цогцолборт”  боллоо.

Тэмцээнд эрэгтэй найм, эмэгтэй зургаан баг оролцсон юм.

Мөн тэмцээний үеэр цолны болзол хангасан “Монти” багийн тоглогч С.Пүрэвжаргал, А.Батжаргал, Б.Энхзаяа нарт  Спортын мастер, Х.Мичидмаа, Г.Хонгорзул, Л.Хосбаяр нарт Спортын Дэд мастер цол олгов.

Тэмцээний эрэгтэй ангилалд Ж.Түмэн-Аюуш эзэнтэй, ОУХМ Д.Солонго дасгалжуулагчтай, ОУХМ Л.Баатархүрээ туслах дасгалжуулагчтай, Спортын мастер А.Даваажаргал ахлагчтай “Хасу-Мегастарс” баг, эмэгтэй ангилалд Жанг Жи Хун эзэнтэй, ОУХМ Б.Хэрлэн дасгалжуулагчтай, Спортын мастер Л.Отгонцэцэг туслах дасгалжуулагчтай Спортын мастер Б.Энхзаяа ахлагчтай “Монти” баг түрүүлсэн юм.

Тэргүүн байр эзэлсэн “Монти” баг

Тэмцээний шилдгүүдээр:

Хамгаалагч:

Эмэгтэй- “Монти” багийн тоглогч С.Пүрэвжаргал
Эрэгтэй- “Хасу мегастарс” багийн тоглогч З.Буянжаргал
Довтлогч:

Эмэгтэй- “Хилчин” багийн тоглогч Г.Энхнаран
Эрэгтэй- “Эрчим” багийн тоглогч Н.Эрдэмбилэг
Тэгш тоглогч:

Эмэгтэй- “Монти” багийн тоглогч Б.Энхзаяа
Эрэгтэй- “Хасу мегастарс” багийн тоглогч М.Цэрэнбаатар

Хаагч:  

Эмэгтэй-Хасу мегастарс” багийн тоглогч Д.Цэндхүү
Эрэгтэй- “Тэнүүн-Огоо” багийн тоглогч Э.Сайханбаатар

Холбогч:

Эмэгтэй- “Хилчин” багийн тоглогч Б.Хэрлэн
Эрэгтэй- “Хасу мегастарс” багийн тоглогч М.Мөнхсайхан нар шалгарлаа.

Монголын волейболын холбоо спортын хөгжилд үнэтэй хувь нэмэр оруулж байгаа Хасу Мегаватт ХХК-ний “Эко спорт цогцолбор”-т АНУ-н “Sport Court” брендийн шалыг бэлэглэсэн билээ.. Уг шал нь “Sport Court” брендийн ISO 9001:2008, ISO 14001:2004 Олон улсын стандартыг хангасан “High-Resilience Polypropylene” материалаар хийсэн бүтээгдэхүүн юм байна.

Бэлтгэсэн: Ж.Дамдинням