Латин Америкийн улс орнуудад тархаад байгаа тус вирусын халдвар Эл Сальвадор улсад хүртэл нүүрлэж одоогийн байдлаар 5397 тохиолдол бүртгэгджээ. Энэ хүмүүсийн дунд 96 жирэмсэн эмэгтэй байгаа нь олон нийтийн санааг зовоосон асуудал болоод байна.  Толгой, тархи нь жижиг хүүхэд төрөх гол шалтгаан болоод буй Зика вирус хяналтаас гарчээ. Эл Сальвадор улсын Эрүүл мэндийн дэд сайд Эдуардо Эспиноза нөхөн үржихүйн насны эмэгтэйчүүдэд 2018 он хүртэл жирэмсэлж, хүүхэд төрүүлэхгүй байхыг уриаллаа. Харин хөл хүнд бүсгүйчүүдийг Зика вирусын халдвар авахгүйн тулд шумуулд хазуулахгүй байх бүх л арга хэмжээг авахыг уриалсан байна.