Нийслэлийн эрүүл мэндийн газраас Нигер улсын 19 дүүрэгт өнгөрсөн оны 8 дугаар сараас 1 дүгээр сарын 23-ны өдрийн байдлаар ласса вирусын 159 сэжигтэй тохиолдол бүртгэгдэж, 82 хүн нас барсан тухай мэдэгдлээ. Тус улсад дөрвөн эрүүл мэндийн ажилтан өвчилж, хоёр нь нас барсан ба дөрвөн өөр эмнэлэгт бүртгэгдсэн гэж мэдээллээ. Одоогоор хариу арга хэмжээг эрчимжүүлж, эмнэлзүйч эмч нарт сургалт хийж, эрсдлийн үеийн харилцаа, холбоог эрчимжүүлж байгаа юм. Ласса вирус нь өмнө нь Сьерра Леоне улсад дэгдэж бөгөөд халдвар тараах гол эх үүсвэр нь харх байсан юм. Харханд хүрэх, эсвэл хархны бохирдуулсан хоол хүнсийг хэрэглэх замаар хүмүүст ласса вирус халдсан байна. Вирусын халдвартай хүнийг эмчилсэн ч зургаан долоо хоногийн турш биед хадгалагддаг бөгөөд хамгаалалтгүй бэлгийн хавьтал, хоол ундаа хувааж идэх, ариун цэвэр тааруу үед бусдад халдах боломжтой.  Дөрвөн жилийн ажиглалтаас үзэхэд ласса вирус нь улирлын чанартай бөгөөд хуурай улиралд вирус гадна орчинд тэсвэртэй нь тогтоогджээ.