Хоёр хөөрхөн хүүхдийн эцэг Их Британийн Хунтайж Уиллиам бусдын л адил эр хүнийхээ хувьд ч бас маш их өөрчлөгдсөн тухайгаа "BBC" ТВ-д ярьжээ. Өдгөө 33 настай тэрээр эр хүн аав болоод өмнө байснаасаа тэс ондоо хүн болдог тухай сэтгэл догдлон өгүүлжээ. 

"Аав болсноосоо хойш би маш сэтгэл хөдлөл ихтэй нэгэн болсон. Энэ нь гэхдээ буруу утгаар биш шүү. Би өмнө нь ямар нэг зүйлд тэгж их санаа тавьж, санаа зовж байгаагүй, харин аав болоод энэ байдал орвонгоороо эргэсэн. Жижиг зүйлсэд хүртэл анхаарал хандуулж, дэлхий дээр болж буй бүх л асуудалд эцэг хүний хувиар санаа зовох болсон шүү. Аав болсоноос хойш би амьдрал гэдэг хичнээн үнэ цэнэтэй болох, хүүхдүүдийнхээ сайн аав нь байж дэргэд байх гэдэг ямар чухал болохыг ойлгосон" хэмээн хунтайж Уиллиам өөрийн тухай ярьжээ.