2006 оноос хойш Монголын уран сийлбэрчид олон улсын цас,мөс,элс,модон сийлбэрийн тэмцээн,симпиозум,фестивалуудад өндөр амжилт гарган оролцсоор байгаа. 2015 оны 12 сарын 30- наас 2016 оны нэгдүгээр сарын 13-нд БНХАУ-ын Харбин хотод зохиогдсон гурван төрлийн тэмцээнд Ц.Мөнх-Эрдэнэ ахлагчтай 12 уран сийлбэрч амжилттай оролцоод эх орондоо ирлээ.

2015.12.30-наас  2016 оны 01.04-нд  тав дахь удаагийн олон улсын  мөсөн сийлбэрийн тэмцээнд нийт найман орны 45 уран бүтээлч оролцсоноос АЛТ, МӨНГӨ, ХҮРЭЛ медаль манай уран сийлбэрчид хүртлээ.

• “Эх” бүтээлээр Д.Цэрэнбат Б.Доржнамжил Х.Батбаатар нар алтан медаль
• “Салхи” бүтээлээр Д.Мөнхтуул Б.Отгонжаргал С.Цэнд-Очир нар мөнгөн медаль
• “Тэмцэл” бүтээлээр Д.Ганхөлөг Ж.Бэхжаргал Э.Баттөр нар хүрэл медаль тус тус хүртэв.

2016 оны  01.06-01.08-нд  28 дахь удаагийн олон улсын мөсөн сийлбэрийн тэмцээнд нийт 15 орны 64 уран бүтээлч оролцсоноос Realist  төрөлд мөнгөн медал, Аbstract төрөлд мөнгөн медаль монгол уран сийлбэрчид хүртсэн юм.

• “Эхлэл” бүтээлээр Б.Доржнамжил Х.Батбаатар, 
• “Амьдрал” бүтээлээр Д.Мөнхтуул Б.Отгонжаргал нар тус тус мөнгөн медаль

2016 оны 01.10-01.13-нд 21 дахь удаагийн олон улсын цасан сийлбэрийн тэмцээнд нийт 12 орны 112 уран бүтээлч оролцсоноос мөнгө, хүрэл, тусгай байрын медалийг манайхан хүртжээ.

• “Аялгуу” бүтээлээр Ц.Мөнх-Эрдэнэ Х.Алтанхүү Д.Ганхөлөг А.Баттулга нар мөнгө,
• “Оргилд” бүтээлээр Д.Мөнхтуул Б.Отгонжаргал Ж.Бэхжаргал Э.Баттөр нар хүрэл,
• “Эх дэлхий бидний гэр” бүтээлээр  Д.Цэрэнбат Б.Доржнамжил Х.Батбаатар С.Цэнд-Очир нар тусгай байрт шалгарав.