Өнгөрсөн 2015 онд нийслэлийн  хэмжээнд гарсан өргөдөл, гомдлын тайланг гаргажээ. Өргөдөл гомдлын шалтгааныг агуулгаар нь судалж, дараах 10 асуудал голлож байгааг тогтоосон байна. Үүнд:

1. Газрын  эрхтэй  холбоотой  асуудлаар  буюу  газар  өмчлөх,  эзэмших хүсэлт,  газрын  маргаантай  асуудал,  газар  чөлөөлөлт,  газрын  зөвшөөрөлтэй эсэхийг шалгуулах зэрэг асуудлаар 53189 удаа,
2. Барилгын  салбарын  үйл  ажиллагаатай  холбоотой  буюу барилгын маргаантай асуудлыг шийдвэрлүүлэх, барилгын зөвшөөрөлтэй эсэхийг шалгуулах, барилгын  техникийн  хяналт,  барилгын  ажлыг  зогсоох,  барих,  өргөтгөх  зэрэг асуудлаар 2153 удаа,
3. Гэр хорооллын дахин төлөвлөлтийн тухай 1876 удаа,
4. Цахилгаан, дулаантай холбоотой асуудлаар 1690 удаа,
5. Боловсролын  салбарын  үйл ажиллагаа,  сургууль,  цэцэрлэгийн үйлчилгээ, боловсролын байгууллагын албан хаагчдын ёс зүй, дүрэмт хувцас, мөнгө хураалт зэрэг асуудлаар 1636 удаа,
6. Нийтийн эзэмшлийн гудамж, талбайн болон ТҮЦ, павильон, ил задгай худалдаа, үйлчилгээний тухай 1386 удаа,
7. Байгаль орчны дүгнэлт гаргуулах хүсэлт 826 удаа,
8. Худаг гаргах хүсэлт 785 удаа,
9. Ахмадын орон сууцны хөтөлбөрт хамрагдах хүсэлт 744 удаа
10. Хог  цэвэрлэгээ,  тээвэрлэлттэй  холбоотой  асуудлаар 734 удаа ханджээ.