"Balmain" брендийн бүтээлч захирал, залуухан моделиуд болох Кендалл Женнер, Жижи Хадид нарын сайн найз Оливьер энэ удаад дотны найзуудаа сонгосонгүй, загварын ертөнцөд жинхэнэ шуугиан тарих үйлдэл хийжээ. Тэр 1990-ээд оны супермоделиуд буюу дэлхийн загварын ертөнцийн чиг хандлагыг цоо шинэ түвшинд авчирсан жинхэнэ "моделиуд"-тай 2016 оны хаврын коллекцидоо хамтран ажиллажээ. 

Тэдний зургийг нэрт гэрэл зурагчин Steven Klein авсан байна. 

"Хэрэв хэн нэгэнд цаг хугацааны машин байдаг бол би өсвөр насандаа эргэн очоод, миний өнөөдөр харсан зүйлс надад яаж нөлөөлөхийг би чин сэтгэлээсээ мэдэрч бас нэг л өдөр би Нью Иорк хотын гэрэл зургийн студид, Синди, Наоми, Клаудиа болон Стивен нарыг миний төлөө хамтран ажиллах болно гэдгийг өөртөө хэлэх байсан. Тэр дөрвөн хүмүүсийн ажиллаж байхыг хараад зогсох надад асар их хүндэтгэл, бахархал, мэргэжилдээ улам дурлах итгэлийг бэлэглэсэн. Үнэхээр гайхалтай" хэмээн тус брендийн бүтээлч захирал өдгөө 28 настай Olivier Rousteing сэтгэл догдлон ярьжээ.