Хан-Уул дүүргийн 14 дүгээр хороо буюу Өлзийт хороололд баригдаж буй 180 хүүхдийн цэцэрлэг, 320 хүүхдийн бага сургуулийн барилгын үйл явцтай ДИТХ-ын Төлөөлөгч, 14-р хорооны Засаг дарга Г.Батсуурь, 165-р цэцэрлэгийн эрхлэгч Я.Энхтуул нар танилцлаа. Энэхүү сургууль цэцэрлэгийн нээлтийн үйл ажиллагаа хийхэд бэлэн болсон байна. Дашрамд сонирхуулахад тус хороо нь Адисын давааны өвөрт Бурхант уулын урд дэнж дээр, Түргэний голын сав нутагт оршдог, Улаанбаатар хотоос 28 км-ийн зайтай, 7200 га нутаг дэвсгэртэй. 2008 оны байдлаар 1088 өрхийн 3068 хүн амтай байв.