Монголын үе үеийн шилдэг хөвгүүдийн хамтлагууд хамтарч "Мартагдашгүй" тоглолтыг өнгөрсөн 10-р сард амжилттай зохиогдсон. "Сүнс", "Камертон", "Номин талст", "Салхи", "Guys" гэсэн ах дүү таван хамтлагийн тоглолт танхим дүүрэн үзэгчтэй болсон билээ. Харин үзэж амжаагүй үзэгчдийн хүсэлтээр "Мартагдашгүй" дахин тоглогдох болжээ. Энэ сарын 18-ны тоглолтонд тав биш долоон хамтлаг оролцоно. Тухайлбал "Сүнс", "Номин талст", "Салхи", "Guys", “Freezone”, “Хар сарнай”, “Нисванис” нар хамтран тоглоно.   Дэлхийн дээд зэрэглэлийн клубуудын стандартаар Монголд анх удаа байгуулагдаж буй “CASTLE” клубын нээлтэнд зориулан тоглох “VIP” тоглолтонд Монголын рок поп урлагийн нэгэн үеийн долоон хамтлагийн залуус маань өөр өөрсдийн үе үеийн хит дуунуудаараа үзэгчдийн сонорыг мялааж, дурсамжийг сэргээн хамтдаа дуулж бүжиглэж нэгэн оройг гайхалтай өнгөрүүлэх юм. Ийнхүү өнгөрсөн сарын тоглолтыг үзэж амжаагүй олон залуусын хүслийг биелүүлсэн "Мартагдашгүй" тоглолт дахин тайзнаа...