Үлгэрийн орон Диснейленд-д ажиллах өөр хаана ч ажиллахаас нилээд өөр. Бидний сайн танил Мики Маус, Дональд нугасын дүрд хувирахаас гадна алхам тутамдаа хүүхдүүдтэй харилцах шаардлага тулгардаг тэд ийм хэд хэдэн дүрмийг дагаж мөрддөг.

1. Хүүхдүүд янз бүрийн асуулт асуудаг. Гэхдээ Диснейлендийн ажилчид асуултанд "мэдэхгүй" гэж хариулж болохгүй. Хариултыг нь мэдэхгүй байсан ч хамаагүй, хүүхдүүдэд "мэдэхгүй" гэж хэлж хэрхэвч болохгүй.

2. Хүүхэлдэйн киноны баатрын дүрд хувирсан л бол тухайн дүрээсээ өөр характер гаргах, өөрийнхөөрөө аашлах эрх байхгүй болно. 

3. Ажилчид буюу дүрд хувирсан жүжигчид бусад руу нэг хуруугаараа чичлэх хориотой байдаг. Хүүхдүүдэд ямар нэг юмыг зааж ярих хэрэгтэй бол хоёр хуруу, эсвэл гараараа заахыг зөвлөдөг. 

4. Ажилчид энд тэнд хог харвал, хүүхдүүдэд үлгэр дуурайлал болох үүднээс уран сэтгэмжтэйгээр, гоёмсог хөдөлгөөн хийж хогийг аван хогийн саванд хийх ёстой. 

5. Хэн хүссэн болгон нь Диснейлендийн ажилтан болдог гэвэл худал. Ажилтнуудыг ажилд авахын тулд тухайн дүртэй хэр төстэй гэдгийг нь шалгаж, бусад шалгуулагчидтай өрсөлдүүлсэний эцэст сонгож авдаг. 

6. Хэрэв та Диснейленд-д ажилд орвол өөрийн ажил үүргийн талаар цахим хуудсандаа ямар нэг зүйл post-лох хориотой. James Bond хүн болгоны анхаарлыг татдаг сонирхолтой ажлынхаа тухай бусдад ярьдаггүйтэй адил та ч бас өөрийн ажлын тухай олон нийтэд дэлгэх нь албан ёсоор хориотой. 

7. Ажилчид хөмсөгөө хусуулах хориотой байдаг. Үүнээс гадна эрчүүд үсээ чих эсвэл ажлын онцлогоос хамаарч цамцны захнаас урт ургуулж болохгүй дүрэмтэй. 

8. Бусадтай дээд зэргийн эелдэг харилцаатай байх нь тэдний алтан дүрэм. Өөрийн ажлын тухай сошиал медиад нийтэлж болохгүй, ажлын цагаар утас хэрэглэхийг хориглохоос гадна хөмсөг зангидах, муухай поза авч зогсох гэх мэтчилэн үйлдлүүд хатуу хориотой. 

9. Биеийн ил гарах хэсэгт шивээс бас цоолбор байх нь хориотой. 

10. Хараа муутай ажилчид ямар нэг брендийн логогүй, мөн өөрийн дүрд тохирсон харааны шил зүүж болно. 

11. Ажилчид өөр хоорондоо тусгай нууц үг ашиглан зарим зохисгүй зүйлсийн талаар ярилцах ёстой. Жишээлбэл хэрвээ хүн бөөлжиж харагдвал үүнийг шууд хэлж дамжуулах бус, өөр нууц үг ашиглан нэгэн нэгэндээ эсвэл зохион байгуулагчдаа мэдэгддэг. 

12. Эмэгтэйчүүд хумсаа урт ургуулж, будах хориотой. Эрчүүд ч мөн адил, хумсаа ургуулж болохгүй 

13. Хөмсөгнөөс бусад сахал гэх мэт нүүрэн дээрх илүүдэл үсийг хэзээ ч зөвшөөрдөггүй газар бол "Disneyland".