Нийслэлийн гэр хорооллын 89 хорооны дунд “Агаар цэвэр хороо” уралдаан зарлалаа. Тус уралдаан нь  ирэх сарын нэгний өдрөөс 2016 оны 3 дугаар сарын 15-ны өдрийг хүртэл үргэлжилнэ. Хэрэв танай хороонд эрчим хүчний хэмнэлттэй зуух хэрэглэж байгаа өрх нийт өрхийн 80 хувиас дээш, сайжруулсан зуухны зөв галлагааны талаар иргэдийг сургалтанд хамруулсан, эрүүл аюулгүй байдлын индексийн шалгуур үзүүлэлтүүдийг үнэн зөв бөглөсөн бол тус уралдаанд оролцох боломжтой. Энэхүү уралдаанд оролцогч хороонд эрчим хүчний хэмнэлттэй зуухыг нийт хэрэглэгчдийн 85 хувиас дээш хэсэг хэрэглэж байвал Хорооны хэсгийн ахлагчид “Агаар цэвэр хэсэг” өргөмжлөл 500’000 төгрөгийн мөнгөн урамшууллыг олгоно. Мөн эрчим хүчний хэмнэлттэй зуух хэрэглэж байгаа айл өрхийн тоо 80 хувиас дээш 1 хорооны Засаг даргад “Агаар цэвэр хороо” өргөмжлөл 2’000’000 төгрөгийн мөнгөн урамшууллыг олгох юм.