Нийслэлийн Жижиг дунд үйлдвэрлэлийг дэмжих төв, Жижиг дунд үйлдвэрлэлийн “Дэвшил холбоо” хамтран жил бүр Улаанбаатарт үйлдвэрлэв” үзэсгэлэн худалдааг зохион байгуулдаг. Жижиг дунд үйлдвэр эрхлэгч иргэд, аж ахуйн нэгжүүдийн бараа бүтээгдэхүүнийг зах зээлд таниулан сурталчлах, борлуулалтыг нэмэгдүүлэх, хэрэглэгч захиалагчтай холбож өгөх нь тус үзэсгэлэнгийн зорилго билээ.“Улаанбаатарт үйлдвэрлэв - 2015” үзэсгэлэн худалдааг 11 сарын 20,21,22-ны өдрүүдэд "МИШЭЭЛ ЭКСПО" төвийн үзэсгэлэнгийн танхимд зохион байгууллаа. Үзэсгэлэнд Улаанбаатар хотын шилмэл бүтээгдэхүүн үйлдвэрлэгч, шилдэг 140 гаруй жижиг дунд үйлдвэр эрхлэгч, аж ахуй нэгж оролцсон бөгөөд үзэсгэлэн худалдааны үеэр үйлдвэр эрхлэгчдэд зориулсан төслийн сургалт, үйлдвэрлэл үйл ажиллагааны менежментийн сургалтыг үнэ төлбөргүй явуулж, шилдэг есөн жижиг дунд үйлдвэрийг тодруулж, “Хангарди” өргөмжлөл гардууллаа. 

1. Нийслэлийн бэлэгдэл бүтээгдэхүүн – “ЭРИЙН ГУРВАН НААДАМ” ХХК Хангардийн бэлэгдэл бүхий нум сум
2. Улаанбаатар бренд бүтээгдэхүүн – “ЭНХЖИН СУВЕНИР” ХХК Монголын нэг өдөр коллекци
3. Эрүүл мэндийн бүтээгдэхүүн – “ЮНИСОЛ ВАН” ХХК франкфуртер BBQ тахиа гахай үхрийн махан зайдсууд
4. Экологид ээлтэй бүтээгдэхүүн – “ИРВЭС ИНТЕРТРЕЙД” ХХК компост эм бүтээгдэхүүн. Энэхүү бүтээгдэхүүн нь органик хог хаягдлыг  дахин боловсруулж Компост бэлтгэж авах, хотын цэвэрлэх байгууламжуудын хаягдлыг ариутгаж дахин боловсруулахад ашигладаг ЭМ технологи юм.
5. Импортыг орлох бүтээгдэхүүн – “ИВЕНТУС” ХХК A plus бүтээгдэхүүн
6. Дэвшилтэт технологитой бүтээгдэхүүн – “ГУРВАН САЙХАН ХАЙРХАН” ХХК Үндэсний хувцасны хослол
7. Экспортыг дэмжих бүтээгдэхүүн – “ИХ ШАНЬЮ” ХХК “Mette cashmer” ийн бүтээгдэхүүн
8. Шинэлэг сав баглаа боодолтой бүтээгдэхүүн – “БИШРЭЛТ ХИЙЦ” ХХК бариултай соронзтой сав баглаа боодолтой арьс ширэн бүтээгдэхүүн
9. Стандартад нийцсэн бүтээгдэхүүн – “Аяс кашмер” ХХК сарлагийн хөөвөр болон ноолууран бүтээгдэхүүн