УИХ-ын чуулганы ирцийн мэдээ хүргэж байна.  Монгол улсын хууль тогтоох дээд байгууллага, УИХ-ын цахим хуудсанд өдөр бүрийн ирцийн мэдээг оруулдаг. Өнөөдөр буюу 11-р сарын 19-ны өдрийн байдлаар 9 цагт чуулган эхлэхээр төлөвлөсөн ч Ж.Батсуурь, Г.Баярсайхан, З. Энхболд нарын гишүүд л ажилдаа хоцролгүй иржээ. Бүр тодруулбал УИХ-ын гишүүн Ж.Батсуурь 09.00 цаг, Г.Баярсайхан 09.02 цагт, З.Энхболд 08.49 цагт тус тус ажилдаа ирсэн байна. Ажлаасаа хоцорсон боловч 46 гишүүн ажилдаа ирсэн байна. Харин Р.Амаржаргал, Д.Батцогт, Д.Бат-Эрдэнэ, Ц.Баярсайхан, Л.Болд, Х.Болорчулуун, Л.Гантөмөр, Ц.Даваасүрэн, М.Зоригт, Ц.Оюунбаатар, М.Сономпил, Д.Эрдэнэбат нарын нийт 12 гишүүн гадаад дотоод томилолттой байгаа бол, Ё.Отгонбаяр, Л.Эрдэнэчимэг нар эмнэлгийн чөлөө авчээ.