Алдарт People сэтгүүл өнөө үеийн буюу одоо амьд байгаа хамгийн секси залууг тодруулжээ. Хөлбөмбөгийн тамирчин асан, дөрвөн хүүхдийн эцэг, загвар өмсөгч, халамжит нөхөр Дэвид Бекхэм өнөө цагийн хамгийн секси залуугаар тодорчээ. Энэ мэдээг хамгийн анх мягмар гарагийн "Jimmy Kimmel Live" шууд нэвтрүүлгийн үеэр нийтэд зарлажээ. Энэхүү сэтгэл хөдөлгөм мэдээг нийтэд дэлгэхийн өмнө Дэвид Бекхем нүүрэндээ баг зүүн шууд нэвтрүүлэгт интернетээр холбогдож, асуултанд хариулсан байна. Үзэгчид энэ хугацаанд өнөө цагийн хамгийн секси залуу хэн болохыг дуу  хоолойгоор нь танихыг оролдсон байна. People сэтгүүлийн уншигчдын дундах санал асуулгаар 30 дахь жилийн хамгийн секси залуугаар тодорсноо дуулаад Дэвид Бекхэм “Миний ажлын замналын хамгийн сайхан мөч, итгэж чадахгүй нь” гэж хэлжээ. Дэвид Бекхэм хэдийгээр олон арван жил супер старын амьдралаар амьдарч, олон мянгын шүтэн бишрэгчтэй болсон ч өөрийгөө хэзээ ч “Сэтгэл татам секси хүн” гэж бодоогүй гэнэ.