Саяхныг хүртэл Монголчууд хамгийн ойрын пянзны дэлгүүр орохын тулд өргөн уудам говийг гатлан мянган км аялаж Бээжинд очдог байлаа. Харин энэ жил нийслэл Улаанбаатар хотод пянзны дэлгүүр нээгджээ хэмээн BBC нийтлэлээ эхэлжээ. Бавуугийн Батболд гэгч залуу одоогоос 10 жилийн өмнө санаандгүй байдлаар пянз цуглуулж эхэлсэн байна. Хөгжмийн сургуулийн сурагч байхдаа хогийн савнаас хэдэн пянз ялгаж аван хадгалжээ. Хогийн савнаас авч үлдсэн пянзууд  Дунд Гол Рекордс дэлгүүрийг нээх санаа сэдэл болсон байна. Б.Батболд Лондон хотод дууны инженерийн чиглэлээр суралцах хугацаандаа реп шүлэг сонирхох болжээ. Тэрээр Улаанбаатар эргэж ирээд клуб ажиллуулж эхэлсэн байна. Одоо Б.Батболдын дэлгүүр гурван мянган пянзтай. Куба, Йемен Еврей хөгжим, хип хоп, Эдит Пиаф, Беларусын поп хамтлагууд, мөн Монголын рок хамтлагуудын пянзыг түүний дэлгүүрээс олох боломжтой. Тийм ч учраас олон арван жилийн өмнө мартагдсан пянз худалдаж авахаар Израйль, Өмнөд Африк, америк, герман, египт хүмүүс түүний дэлгүүрээр үйлчлүүлдэг байна.