Испанийн Реал Мадрид багийн домогт тоглогч Криштиан Роналдогийн түүхийг харуулсан “Роналдо” баримтат киноны нээлт Англид боллоо. Тус киноны нээлтэнд Манчестер Юнайтед багийн менежер Сир Алекс Фергусон тэргүүтэй хүндэт зочид иржээ. Энэ жил 30 настай Криштиан Роналдогийн баримтат киног “Сенна” хэмээх спортын түүхэнд тэмдэглэгдсэн баримтат киноны продюсер Жеймс Гей-Рийс бүтээжээ. Роналдог 2014 онд Реал багийн бүрэлдэхүүнд тоглож Аваргуудын лигт ялсан үеэс эхлэн тус баримтат киноны зургийг 14 сарын турш авсан байна. Нээлтийн ёслолд Роналдо Жеймс Бондыг санагдуулам сайхан хувцаслалаа хэмээн английн хэвлэлд онцолж байна. Киноны нээлтийн үеэр Роналдо мөн Фэйсбүүкт хамгийн олон дэмжигчтэй алдартан гэх шагналыг гардан авчээ. Роналдо амьдралд тохиох энэхүү гайхалтай мөчөө хайрт ээж Мариа Долорес Авейро болон таван настай Криштиано Роналдо хүүтэйгээ хуваалцжээ.

Бэлтгэсэн Б.Агай