Хэдхэн хоромын дотор iPhone утсандаа 50 тэмдэгт бүхий нууц үг хийж утсаа нээж байгаа зорчигчийн дүрс бичлэгийг сонирхогчийн камерт буулгажээ. Дэлхий дээрх хамгийн өндөр хамгаалалттай iPhone утасны эзэн Япон улсад амьдардаг гэж үзэж байна. Дүрс бичлэгээс харвал утасны эзэн эхний 30-40 тэмдэгтийг ямар ч эргэлзээгүйгээр өндөр хурдтай товшиж оруулсан бол нууц үгийнхээ сүүлийн хэсэгт жаахан хугацаа алдаж байлаа. Энэхүү дүрс бичлэг интернетэд хурдтай тархаж байгаа бөгөөд нэгэн интернет хэрэглэгч “Согтуу үедээ энэ залуу хэнтэй ч ярьж чадахгүй юм байна” гэсэн алиа сэтгэгдэл  бичсэн байна. Сонирхуулахад iPhone утасны шинэ загваруудад ингэж урт нууц үг оруулахын оронд хурууны хээгээр утсаа нээдэг технологи нэвтэрсэн билээ.

Бэлтгэсэн Б.Агай