Дуучин Жастин Бибер саяхан Access Hollywood's Billy Bush нэвтрүүлэгт оролцох үеэрээ өөрийн чин сэтгэлийн нууцыг дэлгэжээ. Хөтлөгч Билли түүний шинэ цомогт Селена Гомезд зориулсан хичнээн уран бүтээл байгаа талаар нь Жастинаас асуухад Жастин: "Нилээд бий шүү" хэмээн хариулсан бөгөөд нийт 13 дууны гурав нь Селенагийн тухай дуунууд гэдгээ мөн дурджээ. Мөн тэд хоёул залуу хүмүүс учраас өөрсдийгөө олох, эрэл хайгуул хийх хэрэгтэй, гэхдээ хэзээ нэгэн цагт Селенатай буцаж нийлэх боломж гарвал татгалзахгүй гэдгээ хэлжээ.

“Үнэндээ би түүнд ухаангүй их хайртай. Бас би түүнийг хайрлахаа хэзээ ч зогсоохгүй. Түүнд санаа тавьж, түүний тухай бодохоо больж хэрхэвч чадахгүй. Хэрэв чи хэн нэгэнтэй холбоотой байж байгаад больсон бол, түүнээс бүх холбоогоо тасалж түүний тухай дурсахаа бүр мөсөн зогсоох хэрэгтэй гэсэн дүрэм хаана ч байхгүй шүү дээ. Хэрэв хосууд бие биенийхээ бие сэтгэлийг аймшигтай их гомдоож, шархлуулаагүй л бол, нэгнийгээ бодож дурсч, хайрладаг байх нь буруу зүйл биш. Бид бие биенээ их хүндэлдэг байсан, одоо ч хүндэлдэг, цаашдаа ч хүндэлсээр байх болно" хэмээн Жастин ярьсан байна.