Уэлсийн гүнж Диана агсны отгон хүү Харри бэр эгчтэйгээ адилхан бүсгүйг сонголоо гэсэн мэдээ Британийн шар  хэвлэлүүдэд шуурга дэгдээж байна. Хунтайж Уиллъямын гэргий Кейт Миддлтонтой адилхан гэгдсэн бүсгүй нь Doctor Who хэмээх шинжлэх ухааны уран зөгнөлт киноны жүжигчин Женна Колеман гэгч авхай юм. Өнгөрсөн сард Харри, Женна хоёр поло тэмцээний үеэр их дотно байсан гэрэл зураг шар хэвлэлүүдээр тарсан бол саяхан Америийн Us Weekly сэтгүүл хунтайж, үзэсгэлэнт бүсгүй хоёрыг саяхны нэгэн төрсөн өдрийн үдэшлэг дээр тун ч “сүрхий” байсан тухай мэдээллээ. Дашрамд сонирхуулахад хунтайж Харри 30, Женна 29 настай.