УИХ-ын гишүүн, Б.Бат-Эрдэнэ автомашины дугаарын хязгаарлалттай өдрөөр автобусаар үйлчлүүлдэг болоод багагүй хугацааг үдэж байна. Тэрээр автобусанд явангаа селфи зургаа дарах дуртайгаар барахгүй тэнд таарсан зорчигчидтой хүртэл зураг даруулахаас цааргалдаггүй. Олон түмний хайртай хүчтэн тэрээр бандгар жийп унахаа больж хямдхан машин авч "бусдадаа" үлгэр дууриал болж байгаа сурагтай. Бүр цаашлаад урин дулаан зуны цагт унадаг дугуй хүртэл унаж харагддаг. Аваргын энэ үйлдлүүдийг сонгууль дөхсөнийх хэмээн хардах хүмүүс байгаа ч үнэхээр Б.Бат-Эрдэнэ гуайн амьдралд хямрал нөлөөлөөд эдийн засгийн уналтын энэ үед зардалаа хэмнэж байгаа ч юм билүү хэн мэдэх билээ.