Өсгийтэй гутал өмсөхгүй л бол төвлөрч чаддаггүй гэж ярьдаг Викториа Бекхем дуучин гэх тодотголоо гээж загварын мэргэжилтэн болоод байгаа билээ. Хөл хүнд үедээ ч, нялх хүүхдээ тэвэрсэн үедээ ч 20 см өндөр өсгийтөөсөө татгалздаггүй энэ бүсгүй өнгөрсөн амралтын өдрөөр Нью-Йорк хотод арга хэмжээнд оролцохдоо өвөрмөц шийдвэр гаргажээ. Загвар сонирхогч олон хүн Викториа Бекхемийг ямар ч өсгийгүй гутал өмссөн байгааг хараад ихэд гайхсан байна. НҮБ-ын сайн санааны элч Викториа ДОХ-ын тархалтыг зогсоох ажилд дэлхий нийтийн анхаарлыг хандуулах зорилгоор НҮБ-ын чуулганд оролцож, үг хэлжээ. Энэ үедээ хар, цагаан өнгөтэй шөвгөр хоншоорт, өсгийгүй гутал сонгосон байлаа. Викториа Бекхем жилдээ ганц хоёрхон удаа хавтгай ултай гуталтай хэвлэлийнхний дуранд өртдөг байна.