Бодсон санаснаа дуугаараа илэрхийлдэг реппер Gee өөрийнхөө амьдралыг дуу хөгжимгүйгээр төсөөлж чаддаггүй гэдэг. Хүмүүс нэг хэсэгтээ л дуулсан дууг нь сонсоод гайхан эгдүүцдэг байсан үе саяхан.

Түүний хүргэж буй уран бүтээлд нийгмийн таагүй уур амьсгал, хүмүүсийн амьдрал, зан араншин, амьдарч буй орчин болоод нэг нэгэндээ шударга бус хандаж буйг үнэнээр нь өгүүлдэг тул сүүлдээ ойлгодог болж эхэлсэн. "Геометр" цомогт нь багтсан ”Хэн бэ”, “СТА” дууны клип залуусын сонирхлыг их татдаг. Тэрбээр Монголын дуучдаас анх удаа “Уу” хэмээх шинэ дуугаа “You tube” сайтын “VEVO”-д өнгөрсөн сард бүртгүүлсэн юм. Ингэснээр түүний дуу, клипийг албан ёсны зөвшөөрөлгүйгээр хуулбарлан ашиглах боломжгүй аж. Сонирхуулахад  GEE арваннэгдүгээр сарын 14-нд UB PALACE–ийн  ROYAL танхимд толилуулах “Юуны төлөө" тоглолтынхоо бэлтгэл ажилд оржээ. Уран бүтээлийг нь сонирхож сонсдог фэнүүд нь түүнд зориулж цаг зав, сэтгэл гарган зургийг нь зурж бэлэглэсэн байна.   

                                                                                                                     Г.Золзаяа