Дэлхийд алдартай дуучны тоглолтыг үзэх завшаан хүн бүрт олддоггүй. Тэгвэл Бразилийн нэгэн өсвөр насны охинд тайзан дээр шүтээн болсон дуучныхаа дэргэд зогсохын зэрэгцээ нэлээд удаан тэврэх, цаашлаад бүр хүзүүнд нь үнсэх завшаан тохиожээ. “I kissed a girl”, “Roar” зэрэг уран бүтээлээрээ танигдсан дуучин Кети Перрид харин үл таних хүнийг биедээ хүргэх тааламжтай байгаагүй нь илт байлаа. Кети Перри Бразил улсын Рио де Жанейро хотод Рок хөгжмийн баяр оролцох үеэрээ нэгэн үзэгчийг тайзан дээр гаргасан нь энэ бүх драмын эхлэл болсон байна.