Энэ сарын 20-23-ны өдрүүдэд Улаанбаатар Сөүл хотын хооронд ах дүүгийн найрамдалт харилцаа тогтоосны 20 жилийн ой тохиож байна. Ойн хүрээнд Улаанбаатар хотод “Сөүлийн өдөр”-ийг тэмдэглэн өнгөрүүлэхээр болжээ.

        Сөүл хотын өдөрт оролцохоор нийслэлийн Засаг даргын урилгаар  БНСУ-ын Сөүл хотын дарга Пак Вон Сүн тэргүүтэй төлөөлөгчид энэ сарын 20-23-ны өдрүүдэд манай улсад албан ёсны айлчлал хийхээр товлосон байна. Энэ үеэр МУЭХ-ны үзэсгэлэнгийн танхимд “Сөүлийн өдөр” гэрэл зургийн үзэсгэлэн нээгдэх бөгөөд 21-ний 17:00 цагт СТӨ-нд “Сөүлийн өдөр” урлагийн тоглолт болохоор төлөвлөгджээ.