МУЗГ-аас өргөн мэдүүлсэн Хөдөлмөрийн тухай хуулийн шинэчилсэн найруулгын төслийг Байнгын хорооны болон нэгдсэн хуралдааны хэлэлцүүлэгт бэлтгэх үүрэг бүхий ажлын хэсгийн гишүүд Япон улсын ЭМХНХЯ мөн Олон улсын хөдөлмөрийн сангийн үйл ажиллагаа болон тус улсын Хөдөлмөрийн хуулийн хэрэгжилттэй танилцах, харилцан туршлага солилцох зорилгоор энэ сарын 13-20-ны өдрүүдэд Япон Улсын Токио хотод ажиллахаар болсон байна.

        Төлөөлөгчдийг УИХ-ын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогт ахлах бөгөөд төлөөлөгчдийн бүрэлдэхүүнд УИХ-ын гишүүн С.Дэмбэрэл, Я.Содбаатар, Хөдөлмөрийн дэд сайд Ж.Батхуяг болон албаны бусад хүмүүс багтсан байна. Ажлын хэсгийн гишүүд тус улсад ажиллах явцдаа Япон Улсын Эрүүл мэнд, хөдөлмөр, нийгмийн хамгааллын сайд Ясухиса Шиозакитай уулзах юм.