Энэ сарын 7-11-ний өдрүүдэд НҮБ-уудын хамтарсан багийнхан манайд айлчлахаар ирээд байгаа бөгөөд тэдний ирсэн зорилго нь Монгол дахь НҮБ-ын удирдлагын баг болон НҮБХТХ-ний үр дүнгийн хэсгийг боловсруулах ажлын хэсгийн гишүүдэд дэмжлэг үзүүлэхэд байгаа аж.

        Тэгвэл өнөөдөр УИХ-ын гишүүн Л.Эрдэнэчимэг, Г.Уянга, С.Одонтуяа нар халдварт бус өвчний чиглэлээр МУ-д ажлын айлчлал хийж буй НҮБ-уудын хамтарсан багийн гишүүдтэй уулзалт зохион байгуулсан байна. Тус уулзалтад Нийгмийн бодлого, боловсрол, соёл, шинжлэх ухааны байнгын хорооны ажлын албаны ажилтнууд, ЭМЯ-ны төлөөлөл, НҮБ-ын Хөгжлийн хөтөлбөр, НҮБ-ын Хүүхдийн сан, НҮБ-ын Хүн амын сан, Азийн хөгжлийн банк, Дэлхийн эрүүл мэндийн байгууллагын төлөөлөл оролцсон байна.