МҮСБХ-ноос зохион байгуулж буй "ЧИНГИС ХААН КАП-2015" тэмцээн 8-р сарын 26-30ны өдрүүдэд Спортын төв ордон болон Хандгайт дахь Үндэсний сагсан бөмбөгийн орднуудад зохион байгуулагдана.

Тус тэмцээнд оролцохоор Ази тивийн хүрэл медальт Бүгд Найрамдах Ардчилсан Солонгос Улсын сагсан бөмбөгийн Үндэсний шигшээ баг, ОХУ-ын Эрхүү хотын шигшээ баг маргааш Монгол улсад ирнэ.

"Чингис хаан кап"-д Монголын талаас дөрвөн баг оролцоно.

Үндэсний шигшээ баг бүрэн бүрэлдэхүүнээрээ оролцох бол Дэлхий Залуучуудын Универсиад наадмын 17 байрт шалгарсан Залуучуудын шигшээ баг, Монголын хамгийн үнэнч фанатуудтай арвин түүхтэй баг болох 2015 оны Үндэсний аварга Альянс тех Харцага баг, Супер лигийн Бүх Одод тоглогчдоос бүрдсэн Үндэсний хоёрдугаар шигшээ багууд өрсөх юм.

"Чингис хаан кап" олон улсын тэмцээн Лхагва гарагт 18.00 цагаас Спортын төв ордонд эхлэнэ.