Монгол улсад анх удаа "Тэргэнцэртэй Сайхан Бүсгүй" "Хувцас Загварын Шоу" 2014 гоо сайхны наадмыг "Бид Чадна Эм Эн Нэгдэл" ТББ, ИЗОУИС-ийн "Дүрслэх Урлаг Дизайн Технилогийн Сургууль", "Бриллиант Эмэгтэйчүүдийн Клуб" хамтран зохион байгуулсан юм. Уг тэмцээнд Дамбийбалжирын Цолмон тэргүүлж гран-при шагнал хүртсэнээр  2015 оны 7-р сарын 9-нөөс 28-нд Итали улсын “LEO CAMP” Олон улсын хүүхэд залуучуудын төвд асран хамгаалагчийн хамт амран сувилуулах эрхийн бичгийн эзэн болсон юм. Энэхүү аяллд Д.Цолмонд хувийн бэлтгэл авч явах шаардлагатай хэрэгцээнд нийт 8-9 сая төгрөг хэрэгтэй байгаа юм.

Иймд шаардлагатай байгаа хөрөнгө босгох зорилгоор "Сэтгэлийн жигүүр" хандивын тоглолтыг энэ сарын 26-нд Тусгаар Тогтнолын Ордны их танхимд зохион байгуулах гэж байна. Тоглолтонд СТА Т. Дэлгэрмөрөн, СТА Ц.Чулуунцэцэг, СТА Т.Бичүү, СТА Б.Баярцэцэг, С.Зоригт, А.Хишигдалай, Ч.Сэлэнгэ, Б.Хонгор, П.Баярцэнгэл, МИНО, ОUTLAW, HONEYMOON хамтлаг, Хаан хуур, морин хуурын чуулга оролцоно. "Тэргэнцэртэй Сайхан Бүсгүй" Хувцас Загварын Шоу” 2014 тэмцээний "Тэргүүн Сайхан Бүсгүй" Д. Цолмон, "Авьяаслаг Сайхан Бүсгүй" Ч.Тунгалагтуяа нар өөрсдөө мөн урлагийн номеруудаа сонирхуулах юм.

Та бүхнийг уйдаахгүй сайхан үдэш байх тул өргөнөөр хүрэлцэн ирэхийг урьж байна.

Тэнхлүүн явахад тэмээгээр тусалснаас тэвдэж явах үед тэвнээр туслаарай.