Улсын филармонийн хэрэгжүүлж буй “Монгол уран бүтээл” төслийн хүрээнд толилуулах “Морин хуурын чуулга”-ын “Ардын хөгжимд зориулсан концертууд” тоглолт маргааш болох тухай бид өмнө нь мэдээлсэн билээ.

Ганцхан удаа тоглогдох тоглолтод урилгаар хөгжмийн зохиолч Н.Жанцанноров оролцож концертийн бүтээлүүдийг тайлбартайгаар олны хүртээл болгох аж. Морин хуурын чуулгын уран бүтээлчид удирдаач Д.Түвшинсайханы удирдлага дор дурдсан бүтээлийг үзэгчдийн хүртээл болгох юм.

Ардын Жүжигчин Н.Жанцанноров “Ёочин хөгжимд зориулсан концерт Гоцлооч:О.Туул, “Хэрлэн барсын дууль” морин хуурын концерт Гоцлооч:Н.Жигжиддорж,

Төрийн шагналт  хөгжмийн зохиолч Ц.Нацагдорж “Эвэр бүрээд зориулсан концерт”  Гоцлооч: Ч.Мөнхжин, Төрийн шагналт хөгжмийн зохиолч З.Хангал “Морин хуур хөгжимд зориулсан концерт” Гоцлооч: СТА, Р.Амарбаяр, Төрийн соёрхолт хөгжмийн зохиолч Б.Мөнхболд “Ятга хөгжимд зориулсан концерт” Гоцлооч: Э.Оюунтуяа.

                                                                                                                     Г.Золзаяа