Монголын Залуучуудын Холбоо “Залуу үе” сэтгүүл хамтран “Бүтээлч Залуу” гэрэл зургийн уралдаан зарлав. Уг  уралдаан нь залуу гэрэл зурагчдын чадварыг хөгжүүлэх, хүүхэд залуусыг гэрэл зурагт сонирхолтой болгох, чөлөөт цагаа зөв боловсон өнгөрүүлж сургах зорилгоор зохион байгуулагдаж буй.

Гурван үе шаттай явагдах уралдаанд 16-30 насны мэргэжлийн гэрэл зурагчид, гэрэл зураг сонирхогчид оролцоно. I шатнаас шалгарсан оролцогчдын материалыг мэргэжлийн гэрэл зурагчид шүүн хэлэлцсэний дагуу 30 оролцогч II шатанд орох эрхтэй болох аж. Зургийн лайк, шэйрийн тоо нь хоёр дахь үзүүлэлт болох гэнэ. II шатнаас 10 гэрэл зурагчин шалгарч, III шатанд тус тус өрсөлдөх юм.

Эдгээр зурагчин нь өгөгдсөн сэдвийн дагуу зургаа илгээж, түүнээс эхний гурван байрыг тодруулах аж.“Бүтээлч Залуу” гэрэл зургийн уралдаанд оролцогчдод сэдвийн дагуу зураг авсан байх, зургаа явуулахдаа зургийн нэр, зурагчны овог нэр тодорхой бичсэн байх, чанартай байх, зургийг уралдааны хугацаанд авсан байх, зурганд өнгө гэрлийн засвараас бусдыг хориглох, зураг тамгагүй байх, зураг бүр нэртэй байх гэсэн үндсэн шаардлага тавьж байгаа. Уралдаанд оролцох гэрэл зургуудыг zalyyue@gmail.com хаягаар энэ сарын 31-нийг хүртэл хүлээн авах гэнэ.

                                                                                                                        Г.Золзаяа