Монголын соёл урлаг, боловсрол шинжлэх ухаан, улс төр, нийгэм олон нийтийн нэрт зүтгэлтнүүдээс бүрдсэн 500 гаруй зочин төлөөлөгч оролцсон "Цагаан эсгий ёслол" хүндэтгэлийн үйл ажиллагаа ҮДБЭЧ-ын хамт олон энэ сарын 18-нд зохион байгуулна.  

Ардын уран зохиолч, СГЗ П.Бадарч, Төрийн соёрхолт зохиолч Д.Төрбат нарын цомнол “Оройн дээд” үндэсний түүхэн дуулалт жүжгийн нээлтийн үйл ажиллагаанд зориулан зохион байгуулагдаж буй уламжлалт ёс заншлаа эрхэмлэн цав цагаан эсгий дээгүүр эрхэм зочид алхаж, цагаан идээгээр хүндэт зочдоо дайлан  угтах гэнэ.

17:00 цагт эхлэх уг арга хэмжээний үеэр ҮДБЭЧ, Монголын Урчуудын Жвлэл, Улаанбаатар хотын музей нарын хамтарсан уран зураг, фото зургийн үзэсгэлэн дэлгэгдэх юм.

“Цагаан эсгий ёслол” хүндэтгэлийн арга хэмжээнд урлагийн уран бүтээлчдийн төлөөлөл, олны танил эрхмүүд оролцох аж.

                                                                                                                   Г.Золзаяа