Урлагийн төрлүүдээр уран бүтээлээ туурвидаг залуучуудын дуу хоолой болж 10 гаруй салбар зөвлөлтэйгээр үйл ажиллагаагаа явуулж буй “Монголын урлагийн залуучуудын холбоо”-ны салбар зөвлөл АНУ-д байгуулагдсан байна.

Тус салбар зөвлөлийг МҮОНТ, ETV, Шинэ дэлхий зэрэг телевизэд хөтлөгч, нэвтрүүлэгчээр ажиллаж байсан Б.Тамир тэргүүлэн ажиллахаар болжээ. Тэрбээр өнгөрсөн жилээс АНУ-ыг зорьж, тэнд ажиллаж амьдарч байгаа урлагийн залуусыг нэгтгэж,соёл урлагийн шинэ төсөл хөтөлбөрүүдийг гадны оронд төдийгүй эх орондоо хэрэгжүүлэхээр болжээ.

Хөтлөгч залуу өнгөрсөн жил "6500 Миллийн аялал"-ын нэвтрүүлгээрээ Лос Анжелест хотод амьдарч байгаа Монголчуудтайгаа уулзаж, тэдний эгэл амьдралын тухай харуулсан билээ.

                                                                                                                   Г.Золзаяа