“Marco Polo” киноны үргэлжлэл болох хоёрдугаар хэсэг /Season-2/-д тоглох Монгол жүжигчдийг сонгон шалгаруулж авах тухай бид өмнө нь мэдээлсэн билээ. Киноны шалгаруулалт МҮОНРТ-ийн байранд өнөөдөр эхэлж буй.

Жүжигчин шалгаруулж авах дүр нь Сорхугтани бэхи хатанд тоглох 40 орчим насны эмэгтэй, Жаха  Хамбу буюу Сорхугтани бэхи хатны аавд 60 гаруй насны эрэгтэй, 12 настай Хубилай хаан, Өгөдэй ач хөвүүн Хашины Хайдугийн дүр бүтээх дөрвөн настай хүүхэд сонгох гэнэ.

Энэ киноны хоёрдугаар бүлэгт Монголын ноёд, Хайду хааны удирдлага дор Хубилай хаантай хийж буй тэмцэл зөрчил, XIII-XIV зууны үед амьдарч байсан нүүдэлчдийн ахуй амьдрал, соёл, ёс заншлыг тусган харуулах аж.

Дээрх дөрвөн дүрд Монгол жүжигчид тоглосноор эх орныхоо  түүх соёл, ахуй амьдралыг дэлхий нийтэд сурталчлах сайхан боломж юм.

                                                                                                                 Г.Золзаяа